لمشاهدة الفيديو اضغط الصورة اعلاه
من بحثي وحووستي وحنتي في استفدت وااايد
ومن فرارتي ولبحتي بمحلات العطور والمعارض استفدت وااايد
الحين ماشاء الله لا اله الا الله ريحة شقتي شي شي الحمدلله لك ياارب
والله اني اروح زواره بيت اهلي يومين وارجع والريحه مثل ما اهي تجنن ادخل شقتي اقووول الاااه والله ريحه عجيبه حتى ابو الشباب لاحظ يقول ريحه حلوه في شقتنا شنو عاد انا اقوله هذي ريحتي انا وعيالك خخخخخخخخخخخخ
بس هالشي ما صار من عبث او من شي عادي لا والله من عطورات سنعه وبخور سنع استفدته منكم وفي اشيا من عندي
اول شي عطر اكوا كوثر من الرصاصي هذا عرفته من المنتدى من الغاليه اختي الخنساء وهالعطر للبيت يهبل يهبل
ومعمول امل الكويت معاريس شي خطير بصراااحه انا مجربته من قبل ونسيته وسالت عن بخور حلو وانتوا نصحتوني فيه وشي خطير وعجيب بصرااحه
والحين نيي للاشياء اللي انا جربتها من عندي
* عطر بخاخ البيت من جنيد ( غصون ) عجييب
* عطر بخاخ البيت من جنيد ( نديه ) ياربي يجنن
* كلونيا ام بنت عرفتوها طبعا منعشه منعشه لايستهان بها
* مسك للفواحه من بودي شوب
والله يا بنات انهم احلا شي جربتهم في حياتي من عطور للبيت
وتعالوا بقولكم مراحل وطريقة تعطيري
اول ارتب شقتي واسنعها وامسح بديتول كل مكان
المهم
بعدين اخذ عطر اكوا كوثر وارشرش منه في كل مكان على الفرش على الزوليه ارشرش عالكبت على الطوفه على البيبان على القنفات
واروح اشب لي فحمه لمعمول المعاريس واحطه وابخر الغرفه وانا ابخر اقعد ارشرش بعد من نديه او غصون واحد منهم وعقب ما ارشرش اخلي البخووور على جنب واروح استلم كلونيا ام بنت واركبكب عاد الحين اكبكب لانها مو رش واكب كب على الفرش والزل والبابا وامسح اشوي اشوي على الطوفه بفوطه صغيره
واخلي غرفة النوم تتشبع بالبخور واشب الفواحه والشمعه واحط ماي وعشرين نقطه من عطر الفواحه المسك
واخلي الفواحه لح ما تنطفي او اطفيها واسكر بابا الغرفه واقعد بالدار الثانيه او اطلع لمن ادش الشقه الريحه اممممممممممممممممممم اااخ تهبل والله تدوخ
الحمدلله طحت على شي سنع وريحة سنعه و شقتي ريحتهاااااااااا تهبل
وما ابي غير دعواتكم لي ولعيالي
وانطر تجاربكم ورااايكم
ليست هناك تعليقات:
إرسال تعليق